ترضى احد يفتش جوالك ؟؟؟

انا شفت موضوع واعجبني كثير حبيت اشوف رايكم

ترضى أحد يفتش في جوالك ! وليــش ؟
الجوال ( مستودع الأسرار )!!
صار الجوال جزء لايتجزاء من حياتنا اليوميه مانطلع إلا بالجوال ومانقعد ولا نرقد إلا مع الجوال
غير عن أهميته المعروفه إنه جهاز إتصال
صار يحوي أشياء كثيره منها المسجات والوسائط النغمات والشعارات و و و ...!!

الملاحظ إن فئه عمريه معينه من سن الـ 15 إلى 25 أو 30 سنه
يرفضون أي شخص يمد يده ويمسك جواله
ودايماََ مايقولون
( لحد يتعبث في جوالي ) !!
هالجمله البسيطه تحوي معاني كثيره ( ممكن تفسرونها )
ليش مانرضى أحد يفتش أو :يتعبث: في الجوال
هل هو الحرص عليه !!
ولا من زوود المحبه !!
ولا فيه شي خطير مانبي أحد يشوفه !!
هل لهالدرجه جوالك خطير ماتخلي حد يقرا مسجاتك
ويشوف قائمة الأسماء اللي بجوالك
ولا يسمع النغمات اللي منزلها ولا يشوف كم فيديو إستعراض.

الأسئله كثيره والتساؤلات أكثر حول هالموضوع ...

بانتظار آرائكم ...

وين الردود *_*